உலகம் செய்திகள்

காதல் திருமணத்திற்காக பட்டத்தை தூக்கியெறிந்த ஜப்பான் இளவரசி!

19 May 2017

ஜப்பான் மன்னர் அகிஹிட்டோ – மிச்சிகோ தம்பதியரின் இளைய மகன் இளவரசர் அக்ஷினோ – கிகோ தம்பதியரின் மகள் இளவரசி மேக்கோ. இவர் டோக்கியோவில் உள்ல சர்வதேச கிறிஸ்துவ பல்கலைக்கழகத்தில் பட்டம் பெற்றுள்ளார். அதன் பின்னர் இங்கிலாந்து சென்ற மேக்கோ லீசெஸ்டர் பல்கலைக்கழகத்தில் முதுகலை பட்டம் பெற்றார். தற்போது டோக்கியோவில் முனைவர் பட்டத்திற்கான ஆராய்ச்சியில் ஈடுபட்டு வருகிறார்.

இந்நிலையில், டோக்கியோவின் சர்வதேச கிறிஸ்துவ பல்கலைக்கழகத்தில் தன்னுடன் ஒன்றாகப் படித்த கெய் கொமுரு (25) என்பவரை காதலித்து வருகிறார். இருவரும், டோக்கியோவில் உள்ள ஷிபுயா என்ற உணவு விடுதியில் தான் ஒருவரையொருவர் சந்தித்துள்ளனர் என்பது குறிப்பிடத்தக்கது. அப்போதிலிருந்து இருவரும் காதலிக்கத் தொடங்கிவிட்டனர்.

தற்போது டோக்கியோவின் சட்ட அலுவலகத்தின் வேலை பார்க்கும் காதலன் கெய் கொமுரு பற்று தன் பெற்றோரிடம் மேக்கோ தெரிவிக்க, திருமணத்திற்கு சம்மதம் தெரிவித்துவிட்டனர். ஆனால், திருமணத்திற்கு பிறகு மேக்கோ தன்னுடைய இளவரசி என்ற பட்டத்தை துறக்க வேண்டும். ஏனென்றால், ஜப்பான் அரசக்குடும்ப விதிகளின்படி, அரசு குடும்பத்தை சார்ந்தவர், அரச குடும்பத்தைச் சார்ந்த ஒருவரைத் தான் திருமணம் செய்து கொள்ள வேண்டும். மாறாக திருமணம் செய்து கொண்டால், அவர்களின் பட்டம் பறிக்கப்படும் என்பது குறிப்பிடத்தக்கது.

பெற்றோர்கள் சம்மதம் தெரிவித்ததால், காதலனை மணமுடிக்கப் போவதாக மேக்கோ அறிவித்துள்ளார் என்பது குறிப்பிடத்தக்கது.

 






கருத்துரைகள்


கருத்துரைகள் இல்லை


 

தொடர்புடைய செய்திகள்

எதிர்வரும் நிகழ்வுகள்

Arangiyal Vizha