இயக்குனர் ராஜ்குமார் பெரியசாமி இயக்கத்தில் நடிகர் சிவகார்த்திகேயன் நடித்துள்ள திரைப்படம் ‘அமரன்’. இப்படத்திற்கு ஜி.வி.பிரகாஷ் குமார் இசையமைத்துள்ளார். இந்த படத்தில் சிவகார்த்திகேயனுக்கு ஜோடியாக சாய் பல்லவி நடித்துள்ளார். புவன் அரோரா, சுரேஷ் சக்கரவர்த்தி, ஸ்ரீகுமார் உள்ளிட்டோர் நடித்துள்ளனர். கமல்ஹாசனின் ராஜ்கமல் பிலிம் இன்டர்நேஷனல் நிறுவனம் இப்படத்தை தயாரித்துள்ளது. இப்படம் மறைந்த ராணுவ வீரர் மேஜர் முகுந்த் வரதராஜனின் வாழ்க்கை வரலாற்றை கதையாக கொண்டுள்ளது.
இப்படம் தீபாவளியை முன்னிட்டு இன்று திரையரங்குகளில் வெளியாகிறது. இந்த நிலையில் அமரன் படத்தை முதல்-அமைச்சர் மு.க. ஸ்டாலின், துணை முதல் அமைச்சர் உதயநிதி ஸ்டாலின் உள்ளிட்டோர் படக்குழுவினருடன் கண்டுகளித்துள்ளனர் ..
அமரன் படக்குழுவினரை முதல்-அமைச்சர் மு.க. ஸ்டாலின் வெகுவாக பாராட்டியுள்ளார். இதுகுறித்து தனது எக்ஸ் பக்கத்தில் பகிர்ந்துள்ள ஜி.வி.பிரகாஷ்,
“அமரன் படக்குழுவையும், என்னுடைய இசையையும் பாராட்டிய எங்கள் முதல் அமைச்சருக்கு நன்றி. இது எங்களுக்கு மிகப்பெரியது” என்று தெரிவித்துள்ளார்.
