கண்டி- ஹந்தான மலையில் ஏறும் போது சீரற்ற வானிலை காரணமாக சிக்கித் தவித்த றாகம மருத்துவ பீட மாணவர்கள், இராணுவம் மற்றும் பொலிஸாரின் கூட்டு நடவடிக்கையில் பல மணித்தியாலங்களின் பின்னர் மீட்கப்பட்டுள்ளனர்.
றாகம மருத்துவ பீடத்தின் 180 மாணவர்கள் நேற்று (02) பிற்பகல் ஹந்தான மலையில் ஏறியிருந்தனர். இந்தக் குழுவில் 60 ஆண்களும் 120 மாணவிகளும் இருந்ததாக பொலிஸார் தெரிவித்தனர்.
அப்போது கடும் பனிமூட்டம் காரணமாக அவர்கள் திரும்பிச் செல்லும் வழியை தவற விட்டதாக தெரிவித்துள்ளனர்.
பொலிஸாருக்கு தகவல் கிடைத்ததையடுத்து 6 மணித்தியால நடவடிக்கையை மேற்கொண்டு பல்கலைக்கழக மாணவர்கள் கண்டறியப்பட்டு மீட்கப்பட்டதாக பொலிஸார் தெரிவித்தனர்.
