சுகுமார் இயக்கத்தில் அல்லு அர்ஜுன் நடிப்பில் கடந்த 2021-ம் ஆண்டு வெளியான படம் புஷ்பா.
படத்தில் ஊ சொல்றியா மாமா என்ற பாடலுக்கு சமந்தா ஆடிய நடனம் பட்டி தொட்டி எங்கும் பிரபலமானது.
தெலுங்கு திரை உலகில் மட்டும் இன்றி தமிழ் திரை உலகிலும் இந்த பாடல் ஹிட் பாடலாக அமைந்தது.
இதையடுத்து புஷ்பா படத்தின் இரண்டாவது பாகம் புஷ்பா 2 என்ற பெயரில் உருவாகியுள்ளது. படத்தில் அல்லு அர்ஜுன் உடன் ராஷ்மிகா மந்தனா, பகத் பாசில் உள்பட பலர் நடித்துள்ளனர்.
ராஷ்மிகா மந்தனா ஸ்ரீ வள்ளி என்ற கதாபாத்திரத்தில் நடித்து வருகிறார்.
படத்தில் முதல் பாகத்தில் இடம்பெற்ற ஊ… சொல்றியா மாமா என்ற பாடலுக்கு சமந்தா ஆடிய நடனம் போல் புஷ்பா 2 படத்திலும் ஒரு பாடல் இடம் பெற்று இருக்கிறது. இந்த பாடலுக்கு தெலுங்கு திரை உலகில் குண்டூர் காரம் உள்பட பல படங்களில் நடித்து முன்னணி கதாநாயகியாக திகழ்ந்துவரும் ஸ்ரீ லீலா நடனமாட இருக்கிறார்.
ஏற்கனவே புஷ்பா 2 படத்திற்கு ரசிகர்கள் மத்தியில் எதிர்பார்ப்பு இருந்து வரும் நிலையில் ஸ்ரீ லீலா படத்தின் பாடலுக்கு நடனமாட இருப்பது மேலும் ரசிகர்களின் எதிர்பார்ப்பை அதிகரித்துள்ளது.புஷ்பா 2 திரைப்படம் வரும் டிசம்பர் 5 ஆம் தேதி வெளியாகவுள்ளது.புஷ்பா 2 திரைப்படம் வரும் டிசம்பர் 5 ஆம் தேதி வெளியாகவுள்ளது.
உங்கள் அருகாமையில் உள்ள திரையரங்குகளில் ரிலீசான படங்களைப் பற்றிய தகவல்களை உடனுக்குடன் தெரிந்துக் கொள்ள இந்த லிங்க்-ஐ க்ளிக் செய்யவும்.
