‘இருட்டு அறையில் முரட்டுகுத்து’, ‘நோட்டா’, ‘ஜாம்பி’ உள்ளிட்ட படங்களில் கவர்ச்சி கதாபாத்திரங்களில் நடித்து கலக்கியவர், யாஷிகா ஆனந்த்.
ஆந்திராவை சேர்ந்த இவர், தனியார் டி.வி.யில் ஒளிபரப்பான ‘பிக்பாஸ்’ நிகழ்ச்சியில் பங்கேற்று பிரபலமானார்.
சமூக வலைதளங்களில் மிகவும் ஆக்டிவ் ஆக இருக்கும் யாஷிகா ஆனந்துக்கு இன்ஸ்டாகிராமில் மட்டும் 41 லட்சத்துக்கும் மேற்பட்ட ரசிகர்கள் உள்ளார்கள். இன்ஸ்டாகிராமில் அவ்வப்போது தனது கவர்ச்சி படங்களையும் களமிறக்கி ரசிகர்களை குஷிப்படுத்தி வருகிறார்.
இதுவரை மாடர்ன் உடையில் மஜாவான படங்களை வெளியிட்டு வந்த அவர், தற்போது ரசிகர்கள் கிறக்கம் கொள்ளும் வகையில் சேலையில் கவர்ச்சி விருந்து படைத்துள்ளார். அந்த படங்கள் தற்போது இணையத்தில் வைரலாகி வருகின்றன.
ரசிகர்கள் அவரது அழகை புகழ்ந்து கமெண்டுகளை அள்ளி வீச, யாஷிகா ஆனந்த் உள்ளம் குளிர்ந்து போயுள்ளாராம்.
2021-ம் ஆண்டில் கார் விபத்தில் சிக்கிய யாஷிகா, தொடர் சிகிச்சை பெற்று மீண்டார். தற்போது மீண்டும் படங்களில் மும்முரமாக நடித்து வருகிறார். அந்தவகையில் இவன் தான் உத்தமன், ராஜ பீமா, சல்பர், சிறுத்தை சிவா ஆகிய படங்களில் நடித்து வருகிறார்.
