அதிவேக நெடுஞ்சாலையில் கொள்கலன் கவிழ்ந்து பாரவூர்தி விபத்து

தெற்கு அதிவேக நெடுஞ்சாலையில் சென்ற கொள்கலன் பாரவூர்தி  ஒன்று கவிழ்ந்து விபத்திற்குள்ளாகியுள்ளது.

தெற்கு அதிவேக நெடுஞ்சாலையின் 118 வது கிலோமீற்றருக்கு அருகில் நேற்று (27) இந்த விபத்து இடம்பெற்றுள்ளது.

விபத்து காரணமாக மாத்தறையில் இருந்து கொழும்பு நோக்கி பயணிக்கும் வாகனங்களுக்கான போக்குவரத்து தடைப்பட்டுள்ளது.

இதனால், கொழும்பு நோக்கி பயணிக்கும் வாகனங்கள், கொடகமையில் வௌியேறி கொக்மாதுவ ஊடாக அதிவேக நெடுஞ்சாலைக்குள் மீண்டும் பிரவேசிக்குமாறு அறிவிக்கப்பட்டுள்ளது.