தெற்கு அதிவேக வீதியில் இன்று (09) அதிகாலை 5.45 மணியளவில் ரஷ்ய சுற்றுலாப் பயணிகளை ஏற்றிச் சென்ற வான் ஒன்று விபத்துக்குள்ளாகியுள்ளது.
அதிவேக வீதியில் சூரியவெவ அந்தரவெவ சந்திப்பிற்கு அருகில் அதிவேக வீதியை நோக்கிச் சென்ற லொறியின் பின்புறம் வான் மோதியதில் இந்த விபத்து ஏற்பட்டுள்ளது.
இந்த விபத்தில் வானில் பயணித்த சுற்றுலாப் பயணிகள் 4 பேரும், சாரதி உதவியாளரும் காயமடைந்துள்ளனர். காயமடைந்தவர்களில் 8 வயது ரஷ்ய சிறுமியும் அடங்குவதாக பொலிஸார் தெரிவித்தனர்.
விபத்தில் லொறியில் பயணித்த கணவன், மனைவி, அவர்களின் 2 மற்றும் 11 வயதுடைய இரண்டு பிள்ளைகளும் காயமடைந்து ஹம்பாந்தோட்டை வைத்தியசாலையில் அனுமதிக்கப்பட்டுள்ளனர்.
வானில் பயணித்த சுற்றுலாப் பயணிகள் குழு அஹுங்கல்லையில் இருந்து எல்ல நோக்கி பயணித்த போது இந்த விபத்து இடம்பெற்றுள்ளது.
