கிளிநொச்சி – உமையாள்புரம் பகுதியில் இன்று (24) அதிகாலை 4.30 மணியளவில் இடம்பெற்ற விபத்தில் ஒருவர் பலியானதுடன் 8 பேர் படுகாயமடைந்துள்ளனர்.
யாழ்ப்பாணத்திலிருந்து வவுனியா நோக்கி பயணித்த இலங்கை போக்குவரத்து சேவைக்கு சொந்தமான பஸ் ஒன்றும் கொழும்பியிருந்து யாழ்ப்பாணம் நோக்கி பயணித்த வான் ஒன்றும் மோதி விபத்திற்குள்ளாகியுள்ளது.
குறித்த பஸ் விதியில் பயணித்த மாடுகளுடன் மோதிய பின் வானுடன் மோதியுள்ளது.விபத்தில் வவுனியாவை சேர்ந்த 50 வயதுடைய திருமணி திருச்செல்வம் எனும் பெண் உயிரிழந்துள்ளதுடன், மேலும் 8 பேர் காயமடைந்துள்ளனர்.
காயமடைந்தவர்களில் ஐவர் கிளிநொச்சி வைத்தியசாலையின் தீவிர சிகிச்சைப் பிரிவில் சிகிச்சை பெற்று வருவதாக வைத்தியசாலை தகவல்கள் தெரிவிக்கின்றன. இதேவேளை, குறித்த விபத்தில் 8 மாடுகளும் உயிரிழந்துள்ளன.
சம்பவம் தொடர்பில் கிளிநொச்சி பொலிஸார் விசாரணைகளை மேற்கொண்டு வருகின்றனர்.
