ஐக்கிய மக்கள் சக்தி நாளை வீதியில் இறங்கி தற்போதைய அரசாங்கத்தை கவிழ்ப்பதற்கான முதல் கட்ட நடவடிக்கையை எடுக்கும் எந்தவொரு கட்டுப்பாடுகளையும் கவனத்தில் கொள்ளாது என்று அக் கட்சியின்பொதுச் செயலாளர் ரஞ்சித் மத்தும பண்டார இன்று தெரிவித்தார்.
“ஐஜிபி அல்லது வேறு எவரும் எந்த தடையையும் விதிக்கலாம் ஆனால் நாங்கள் அனைத்து சட்டங்களையும் மீறி நாளை 50,000 பேரை கொழும்பிற்கு அழைத்து வருவோம்” என மத்தும பண்டார ஊடகவியலாளர் சந்திப்பில் தெரிவித்தார்.
“2022 எழுச்சிக்கு முன்னோடியாக இருந்தது SJB தான், இம்முறையும் அதையே செய்ய நாங்கள் உத்தேசித்துள்ளோம்” என்று மத்தும மேலும் கூறினார்.
“நாங்கள் இப்போது எங்கு அணிவகுத்துச் செல்வோம் என்ற செய்தியை நாங்கள் வெளியிட மாட்டோம், ஆனால் நாளை சரியான நேரத்தில் அதை வெளிப்படுத்துவோம்,” என்று அவர் குறிப்பிட்டார்.
இந்த சந்திப்பில் கலந்து கொண்ட முன்னாள் நாடாளுமன்ற உறுப்பினர் ஹிருணிகா பிரேமச்சந்திர, பயங்கரவாத எதிர்ப்பு சட்டமூலம், இணையவழி பாதுகாப்பு சட்டமூலம் மற்றும் வரி அதிகரிப்பு போன்ற அடக்குமுறை சட்டங்களுக்கு எதிராக இந்த போராட்டம் நடத்தப்படும் எனத் தெரிவித்தார்.
“சரியான நேரத்தில் நாங்கள் எங்கு சுற்றிவளைக்கப் போகிறோம் என்பதை நாங்கள் வெளிப்படுத்துவோம்,” என்றும் அவர் கூறினார்.
