சோமாலிய கடல் கொள்ளையர்களால் கடத்தப்பட்ட 6 இலங்கை மீனவர்களும் அவர்களது படகும் மீட்கப்பட்டுள்ளதாக தெரிவிக்கப்பட்டுள்ளது.
சீசெல்ஸ் கடலோர காவல்படை மற்றும் இலங்கை கடற்படையினர் ஒன்றிணைந்து மேற்கொண்ட நடவடிக்கையின் அடிப்படையில், அவர்கள் மீட்கப்பட்டுள்ளதாக இலங்கை கடற்படை தெரிவித்துள்ளது.
குறித்த நடவடிக்கையின் போது மூன்று சோமாலிய கடற்கொள்ளையர்கள் சீசெல்ஸ் கடலோர காவல்படையினால் கைது செய்யப்பட்டுள்ளதாக இலங்கை கடற்படை பேச்சாளர் கப்டன் கயான் விக்ரமசூரிய தெரிவித்துள்ளார்.
